Ekki drepa flugur í annarra manna húsum!

Kæru veiðifélagslimir gleðilegt nýtt veiðiár.

Það er ekki amalegt að gildir limir Veiðifélagsins skuli allir vera við hestaheilsu þegar það ágæta ár 2008 heilsar. Það er einlæg ósk framkvæmdastjórans að það ár verði heilladrjúgt fyrir meðlimi Veiðifélagsins sem og Íslendinga alla og að ættjörðin verði vel fóstruð af forseta vorum og ríkisstjórn.

Framkvæmdastjórinn vill þó minna á orð Nóbelsskáldsins er amma gamla í Brekkukoti, kona Björns bónda, segir við Álfgrím: „Eitt er það sem maður má aldrei gera skepnan mín, því það er ljótt ... að drepa flugur í annarra manna húsum."

Það sama vil ég biðja meðlimi Veiðifélagsins um að hafa í huga á því herrans ári 2008, ekki drepa flugur í annarra manna húsum, ekki skjóta fugla í annarra manna landi og ekki veiða fiska í annarra manna ám ... tja, nema hafa til þess leyfi!

Athugasemdir

[Snæbjörn Ólafsson (IP-tala skráð) 8.1.2008 kl. 14:13]

Gleðilegt ár fröken framkvæmdastjóri.

Við skulum hafa þetta á bak við eyrað, en það er fátt skemtilegra en veiða á gráasvæðinu.

[Vignir Arnarson, 15.1.2008 kl. 11:37]

Já gleðilegt ár og áttið ykkur á þvía ð það eru ekki NEMA 77 dagar þangað til við opnum hina stórskemtilega Brúará og þá er sko komið vor.BARA GAMAN