Veiðisaga

Vinnufélagi framkvæmdastjórans brá sér til veiða í Eystri-Rangá í vikunni. Hann var í 2 daga, þegar vinnufélaginn sneri aftur þá sagði hann frá því að alls hafi veiðst 27 fiskar á þessa einu stöng, þetta voru víst sæmilegir boltar, engir risar en svona 6-12 pund. Sá stærsti var 12 punda sjóbirtingur, feitur og fallegur og einstaklega erfiður viðureignar.  Bæði var veitt á maðk og flugu.

Vinnufélaginn sagði líka frá því að þegar hann ætlaði að koma fiskinum í reyk þá hafi allt verið upppantað (hér eiga að vera þrjú p í röð!!). Hann hafi því brugðið á það ráð að frysta það sem hann gat, af þessum 27 fiskum átti vinnufélaginn 19 en aðeins 12 þeirra fengu pláss í frystikistu kappans svo nú voru góð ráð dýr. Hann ákvað því að aka með þessa 7 laxa sem eftir voru í Reykofninn á Smiðjuveginum og eftir miklar samningaviðræður þá sættist Óli í Reykofninum á að taka við fiskunum. Vinnufélaginn lofaði að koma ekki með meira til hans fyrr en um jól, en þá svaraði Óli: „nei, komdu með þá um miðjan október!“

Ég held að vinnufélaginn hafi ekki áttað sig á því að síðustu vikur fyrir jól er líka fullt að gera hjá Reykofninum!!!

Athugasemdir

[Ingibjörg Hinriksdóttir, 4.9.2008 kl. 23:07]

Hvernig er það, þarf virkilega að finna vinnufélaga framkvæmdastjórans til þess að einhver almennileg veiðisaga birtist hér á blogginu??

[Vignir Arnarson, 15.9.2008 kl. 18:25]

Já og ég sem er að fara í Eystri 24 - 25 sept  eins gott að vera búinn að huga að því að fá lánaða kistu fyrir ALLANN aflann ..............